ДУА <<Лідская дзіцячая музычная школа мастацтваў>>

 

1. Дадзенае палажэнне акрэслівае парадак правядзення адкрытага абласнога джазавага фестывалю-конкурсу «Птушка»

(далей – фестываль-конкурс).

        

2. Асноўныя мэты і задачы фестывалю-конкурсу:

         - выяўленне таленавітых дзяцей і моладзі, якія валодаюць джазавым мастацтвам;

         - раскрыццё творчага патэнцыялу дзяцей і моладзі;

         - папулярызацыя джазавага мастацтва;

         - захаванне і развіццё выканаўчых традыцый у джазавым накірунку;

         - падтрымка педагогаў, якія працуюць у жанрах джазавага мастацтва;

         - павышэнне прафесійнага ўзроўню музыкантаў у жанры эстраднай музыкі ў Рэспубліцы Беларусь.        

​

3. Фестываль-конкурс праводзіцца галоўным упраўленнем ідэалагічнай работы, культуры і па справах моладзі Гродзенскага абласнога выканаўчага камітэта, аддзелам ідэалагічнай работы, культуры і па справах моладзі Лідскага раённага выканаўчага камітэта і дзяржаўнай установай адукацыі «Лідская дзіцячая музычная школа мастацтваў».

         

4. Інфармацыя аб правядзенні фестывалю-конкурсу размешчана на сайце Лідскага райвыканкама: www.lida.by

        

5. Фестываль-конкурс праводзіцца па наступных намінацыях:

         «саліст» (інструменталіст, вакаліст);

         «ансамбль» (інструментальны, вакальны) - склад ад 2-ух да 12 чалавек, дапускаецца ўдзел канцэртмайстра;

         «аркестр», «хор» - склад ад 12 человек, у іх ліку дапускаецца мінімальны ўдзел настаўнікаў і канцэртмайстраў

(не больш 10% ад агульнага складу).

         

6. Удзел у фестывалі-конкурсе прымаюць вучні (салісты, ансамблі, аркестры і хоры) дзіцячых музычных школ, школ мастацтваў, агульнаадукацыйных школ (гімназій, ліцэяў), другіх устаноў дадатковай адукацыі дзяцей і моладзі, навучэнцы ССВЗ ва ўзросце ад 8 да 19 гадоў на дзень правядзення фестывалю.

Для ўдзельнікаў ва ўсіх намінацыях вызначаюцца ўзрастковыя группы:

       Група А (вучні школ)

       малодшая (8-11 гадоў уключна);

       cярэдняя (12-14 гадоў уключна);

       старшая (15-17 гадоў уключна);

       Група В (навучэнцы ССВЗяў).

Для ўдзельнікаў у намінацыях «ансамбль», «аркестр», «хор» узрастковая група вызначаецца па большай колькасці ўдзельнікаў аднаго ўзросту.       

         

7. Фестываль-конкурс праводзіцца ў дзяржаўнай установе адукацыі «Лідская дзіцячая музычная школа мастацтваў»   

  13 мая 2017 года.

        

8. Склад арганізацыйнага камітэта (далей – аргкамітэта), склад журы фестывалю-конкурсу зацвярджаецца загадам галоўнага ўпраўлення ідэалагічнай работы, культуры і па справах моладзі Гродзенскага аблвыканкама.

        

9. Для ўдзелу ў фестывалі-конкурсе неабходна да 1 мая адправіць на адрас аргкамітэта 

(231300, РБ, Гродзенская вобласць, г. Ліда, вул. Савецкая 8а, ДУА «Лідская дзіцячая музычная школа мастацтваў» ці на электронны адрас: lidadmshi@gmail.com)  наступныя матэрыялы:

      - анкету-заяўку ўстаноўленай формы на ўдзел у фестывалі-конкурсе;

      - копію пасведчання аб нараджэнні;

      - 1 фатаграфію саліста (калектыву) памерам 10x15;

      - копію квітанцыі па аплаце.

 

Кантактная інфармацыя:

Тэлефоны: +375(29)8853380; 8(029)2836609; 8(0154) 525712; 8(0154) 521201

Факс: 8(0154) 525712

e-mail: lidadmshi@gmail.com

       

10. Аргкамітэт заключнага этапу фестывалю-конкурсу паведамляе ўдзельнікам пра допуск за тыдзень да пачатку заключнага этапу конкурсу.

       

11. Конкурсныя выступленні праводзяцца публічна, парадак выступлення вызначаецца аргкамітэтам, усе творы выконваюцца на памяць, замены ў праграмах выступленняў не дапускаюцца.

       

12. Журы заключнага этапу фестывалю-конкурсу ацэньвае выступленні ўдзельнікаў і вызначае пераможцаў.

Журы мае права прысуджваць не ўсе месцы, дзяліць дыпломы сярод удзельнікаў (акрамя I ступені), змяніць па ўзгадненні з аргкамітэтам колькасць прызавых месцаў у залежнасці ад колькасці пераможцаў у рамках прызавога фонду, узнагароджваць граматамі настаўнікаў, канцэртмайстраў і ўдзельнікаў конкурсу, якія не сталі пераможцамі.

       

13. Рашэнні журы з'яўляюцца канчатковымі і перагляду не належаць.

       

14. Пераможцы фестывалю-конкурсу вызначаюцца ў кожнай намінацыі і ў кожнай узрастковай групе.

Пераможцы ўзнагароджваюцца дыпломамі I, II, III ступені.

       

15. Фінансаванне праводзіцца за лік узносаў удзельнікаў. Арганізатары фестывалю-конкурсу дазваляюць удзельнікам карыстацца сваёй гукавой і ўзмацняльнай апаратурай, канцэртным раялем, ударнай устаноўкай, пультамі для нот, крэсламі.

Кожны ўдзельнік фестывалю-конкурсу павінен унесці ўступны ўзнос (акрамя выкладчыкаў і канцэртмайстраў):                   

     саліст - 25 BYN; 

     удзельнік ансамбля - 18 BYN; 

     удзельнік аркестра, хору - 6 BYN.

 

Аплата праводзіцца да 10 красавіка на спецыяльны лік аддзела ідэалагічнай работы, культуры і па справах моладзі Лідскага райвыканкама з паметкай «Для дзіцячай музычнай школы мастацтваў»:

УНП 500826250 р/л 3632262500000, асабовы рахунак 300300030.

Ф-л 413 АСБ "Беларусбанк", код 696 г. Ліда, вул. Савецкая 17.

Удзельнікі, якія выступаюць у некалькіх намінацыях, уносяць толькі адзін уступны ўзнос (25 BYN).

У выпадку хваробы магчыма замена ўдзельнікаў.

  

 * Магчыма рэзерваванне пражывання і харчавання з аплатай за кошт сродкаў удзельнікаў.

      

16. Расходы за праезд, пражыванне, харчаванне ўдзельнікаў конкурсу аплачваюць арганізацыі, якія прадстаўляюць іх.

        

17. Для фінансавання фестывалю-конкурсу на ўсіх этапах могуць быць выкарыстаны іншыя крыніцы, якія не забаронены заканадаўствам Рэспублікі Беларусь.

 

Праграма для выступлення:

       Два творы ў стылі традыцыйнага ці сучаснага джазу (дапускаецца адно з іх эстраднае).

Імправізацыя (арыгінальная) вітаецца!

       Адзін джазавы твор для ўдзельнікаў у намінацыі «Саліст-вакаліст».

Як суправаджэнне дапускаецца фанаграма «мінус», а таксама ўдзел канцэртмайстра, інструментальнага ансамблю вучняў ці выкладчыкаў.

Час гучання ўсёй праграмы не больш чым 8 хвілін. Да ўдзелу ў фестывалі не дапускаецца выкананне класічных,

толькі эстрадных, народных твораў; не дапускаецца суправаджэнне няякасных фанаграм!

Удзел лаўрэатаў мінулага года дапускаецца, але толькі з другой праграмай.

        Для праслухоўвання і ўзнагароджання ўдзельнікаў фестывалю-конкурсу прыцягваецца журы:

высокакваліфікаваныя спецыялісты ў вобласці джазу, вакальнага і інструментальнага мастацтва.

       Улічваюцца:

• выканаўчае майстэрства;

• сцэнічны імідж;

• высокі ўзровень выканання джазавай музыкі;

• артыстычнасць.

 

Прыкладны пералік твораў:

''Summertime'' (Джордж Гершвін, ДзюБос Хейвард і Айра Гершвін);

''My Funny Valentine'' (Рычард Роджэрс і Ларэнц Харт);

''All the Things You Are'' (Джэрам Керн і Оскар Хамерстайн II);

''How High the Moon'' (Нэнсі Хэмільтон і Льюіс Морган);

'''Round Midnight'' (Тэлоніус Монк, Куці Вільямс і Берні Хейніген);

''Stella by Starlight'' (Віктар Янг);

''Autumn Leaves'' (Жозэф Косма і Джоні Мерсер);

''Misty'' (Эррол Гарнер);

''Satin Doll'' (Дзюк Элінгтон, Білі Стрэйхорн і Джоні Мерсер);

''Take Five'' (Пол Дэзманд);

''A Night in Tunisia'' (Dizzy Gillespie);

''The Shadow of Your Smile'' (Johnny Mande, Paul Francis Webste);

''Sunny'' (Joe Pass);

''Blues'' (Joe Pass);

''Bluesette'' (Jean Thielemans, Norman Gimbel);

''Desafinado'' (Antonio Carlos Jobim, Newton Mendonca);

''One Note Samba'' (Antonio Carlos Jobim, Newton Mendonca);

''Days of Wine & Roses'' (Henry Mancini) і г.д., а таксама аўтарскія творы вядомых джазавых музыкантаў: Charlie Parker, Miles Davis, Oscar Peterson, Bill Evans, Herbie Hancock, Barney Kessel, Jim Hall, Pat Metheny і іншыя.