ДУА <<Лідская дзіцячая музычная школа мастацтваў>>

Харавы калектыў - гэта разнастайнасць удзельнікаў, тут кожны каштоўны сваім непаўторным духоўным светам, гэта калектыў аднадумцаў. З дня заснавання хору, у школе працавалі высокакваліфікаваныя спецыялісты, вопытныя, творчыя хормайстары, яркі талент, прафесіяналізм і творчы пошук якіх дапамагалі харавым калектывам нашай школы дасягнуць высокіх вынікаў. З 1955 года вялікая ўвага надаецца харавым спевам. Першым выкладчыкам хору стала Кражава З.Г., крыху пазней эстафету прадоўжылі: Якушава Н.І., Ваврух М.В., Спірына Е.Н. З 1998 г. кіраўнік Бойка С.Г. 

Хор у 1999 г. абараніў званне «ўзорны». Хор «Камертон» на працягу некалькіх гадоў з'яўляецца лаўрэатам і дыпламантам міжнародных і абласных конкурсаў: абласны конкурс «Новыя імёны», міжнародны фестываль «Каложскі благавест», Калядны фестываль Навагрудскай епархіі «Слава ў вышніх Богу», фестываль творчых калектываў вучняў ДМШ і ДШМ Лідскага метадычнага аб'яднання. Хор «Камертон» прымае актыўны ўдзел у канцэртнай дзейнасці горада і раёна.