ДУА <<Лідская дзіцячая музычная школа мастацтваў>>

У 1984 годзе ў музычнай школе быў створаны духавы аркестр. Арганізатарам і першым яго кіраўніком быў выкладчык па класу трубы Д.І. Ціхан. Калектыў не адзін раз прымаў ўдзел у абласных і рэспубліканскіх святах духавой музыкі, марш-парадах духавых аркестраў, якія праходзілі ў г. Мінску, г. Беластоку (Польшча), а таксама фестывалі «Срэбныя трубы» ў г. Стаўраве Уладзімірскай вобласці (Расія) і ў г. Уладзіміры (Расія), дзе быў адзначаны спецыяльнымі дыпломамі і прызамі.

Аркестр удзельнічаў у Рэспубліканскім конкурсе дзіцячых музычных школ і па выніках трэцяга тура быў узнагароджаны Ганаровай граматай Міністэрства культуры Рэспублікі Беларусь.

У снежні 1994 года аркестр атрымаў званне «Узорнага духавога аркестра».

У красавіку 2001 года калектыў займае першае месца ў абласным фестывалі «Новыя імёны», чым пацвердзіў свае званне 

«ўзорны».

У 2004 годзе аркестр удзельнічаў у конкурсе, прысвечаным 60-годдзю вызвалення Беларусі ад нямецка-фашысцкіх захопнікаў, і быў узнагароджаны ганаровай граматай.

На працягу свайго існавання аркестр многа выступаў на розных пляцоўках горада і раёна, прымаў удзел ў справаздачных канцэртах.

У рэпертуары аркестра беларуская, руская і замежная духавая музыка, песні, вальсы, маршы, эстрадна-джазавыя кампазіцыі, папулярная музыка для вечароў адпачынку.

Сёння калектывам кіруе настаўнік школы па класу барытона, трамбона Андрэй Тадэвушавіч Васора.